Moti i keq me reshje të dendura shiu e erë të fortë ka përfshirë vendin ditën e sotme, duke sjellë problematika në Tropojë dhe Kukës. Si pasojë e stuhisë, ka pasur rënie inertesh në rrugën nacionale Bajram Curri-Valbonë, në aksin Kukës-Ura e Zapodit Shishtavec si dhe në disa akse të tjera.
Sipas njoftimeve, inertet janë pastruar, ndërsa qarkullimi tashmë vijon normalisht në të gjitha akset. Deri më tani, ndërprerje të energjisë elektrike ka pasur vetëm në fshatin Panairit në bashkinë e Korçës, pasi janë dëmtuar shtyllat e energjisë, për shkak të reshjeve të dendura të borës.
Prej disa ditësh, vendi është përfshirë nga moti i keq me temperatura të ulëta e reshje të dendura shiu, kushte atmosferike që pritet të vijojnë edhe përgjatë fundjavës.
Discussion about this post