Protesta e PD-së para Kuvendit/ Berisha: Nesër, etapë vendimtare kundër Ramës!

Kreu i Partisë Demokratike, Sali Berisha, u bëri thirrje qytetarëve që t’i bashkohen protestës së opozitës që do të mbahet nesër para Kuvendi i Shqipërisë, duke e cilësuar atë si një moment të rëndësishëm në përballjen me qeverinë.

Në deklaratën e tij, Berisha tha se opozita është “leva e Arkimedit” për largimin nga pushteti të kryeministrit Edi Rama. Sipas tij, protesta e nesërme do të shënojë një etapë vendimtare në përpjekjen për të përmbysur atë që ai e quajti një regjim armiqësor ndaj Shqipërisë dhe shqiptarëve.

“Leva e Arkimedit për largimin e Ramës jemi vetëm ne. Nesër shënon një etapë vendimtare në përmbysjen e këtij regjimi armiqësor në të gjithë qenien e tij ndaj Shqipërisë dhe shqiptarëve. Nuk do të shpëtojë kurrë lëkurën e tij nga populli shqiptar.” u shpreh Berisha.

gijotina.com/

Etiketa: Sali Berisha