Fabio Quartararo është fituesi i Çmimit të Madh të Portugalisë në MotoGP. Francezi i Yamaha kurorëzoi në pistën e Portimaos një fundjavë ku ishte dominues që në provat e lira të së premtes.
Bagnaia me Ducati dhe Mir me Suzuki plotësuan podiumin, ndërkohë që Marc Marquez përfundoi në vendin e shtatë, në atë që ishte gara e tij e parë pas rikthimit nga mungesa e gjatë për shkak dëmtimi.
Me këtë sukses, francezi shkëputet në krye të renditjes së përgjithshme me 61 pikë, 15 pikë më shumë se italiani Bagniaia. Tjetër garë zhgënjyese për Valentino Rossin, i cili u rrëzua në xhiron e njëmbëdhjetë, duke mos marrë pikë.
Discussion about this post