Motori i ra nga pas kamionçinës në Lezhë, identifikohen të plagosurit

Detaje të reja janë zbuluar nga aksidenti në Lezhë ku mësohet se ka qenë motori që ka goditur nga pas kamionçinën.

Sipas burimeve, në aksin rrugor Lezhë-Milot, automjeti tip ” Ford ” me drejtues Arben Prenga është përplasur me mjetin motor me drejtues Agostin Mhilli dhe pasagjer Florian Picaku, të cilët kanë marrë dëmtime dhe janë transportuar në spitalin e Traumës, Tiranë.

Drejtuesi i automjetit është shoqëruar në Komisariatin e Policisë Lezhë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.