Motra e viktimës pas masave të sigurisë për vrasjen e Egli Progës: Janë lënë të lirë vrasës

Motra e Egli Progës, 42-vjeçarit i cili u vra në Pogradec, ka reaguar pasi gjykata la në burg vetëm njërin prej të akuzuarve.

“Janë lënë të lirë vrasës. Çfarë janë këta persona që lihen të lirë? Po vazhdon të vritet Egli me çdo veprim dhe mosveprim që po kryhet. Kjo është vrasje për herë të tretë. Është vrasje me dashje dhe janë lënë lirë një tufë huliganësh”, tha ajo para mediave.

Ndërsa i afërmi i viktimës tha se autori dhe 3 bashkëpunëtorët e tij njihen si gjobëvënës në qytetin e Pogradecit.

“Gjithçka pritet nga këta kriminelë. Në qytetin e Pogradecit këta njihen shumë mirë për gjobëvënie, jam pa fjalë. Nuk di çfarë të them. Dua që drejtësia të vihet në vend. Ju lutem mediat të bëjnë të pamundurën, të zbardhin të vërtetën ose nuk e di çtë them. Këta janë kriminelë të gjithë në bashkëpunim”, tha i afërmi.

Gjykata e Korçës ka lënë në burg Denis Meçen si i dyshuar për vrasjen e Egli Progës, ndërsa për 3 të arrestuarit e tjerë Voltan Shulku, Arian Manellari e Leonidha Guçe ka vendosur detyrim paraqitje.

Lexo edhe:

Vrasja në Pogradec për gjobëvënie/ Lihet në qeli autori