José Mourinho nuk e humbi rastin t’i përgjigjet kritikëve pas ndeshjes me Interin, të cilin Roma e humbi 2-0. Trajneri portugez i dërgoi një mesazh presidentit të Shoqatës së Trajnerëve Italianë, Renzo Ulivieri, i cili kritikoi trajnerin portugez pas barazimit me Monzën (1-1), në mesjavë.
“Ka incidente në lojë, që nëse klubi dëshiron të flasë për të, le të flasë. Nuk do të jem unë ai që do t’i prononcoj. Sidomos sepse jam shkatërruar, sulmuar në etikën dhe edukimin tim”,- shpjegoi Mourinho.
“Por më jep edhe kënaqësi, sepse sulmi vjen nga dikush që u pezullua tre vjet nga futbolli për baste. Kjo më bën të lumtur. Mirupafshim!”,- ka thënë ai duke u larguar papritur nga intervista për DAZN.
Renzo Ulivieri bëri deklarata të forta në mbrojtje të arbitrave, pasi portugezi tha se kishte regjistruar të gjitha bisedat me ekipin e arbitrave.
“Ajo që tha Mourinho është e rëndë dhe e papranueshme. Pranimi se ai shkoi në stol me mikrofon dhe regjistroi dialogët me ekipin e arbitrave, duke e justifikuar këtë qëndrim si mbrojtje, minon të gjithë sistemin”, tha Ulivieri, cituar nga “Gazzetta dello Sport”.
Discussion about this post