Toni Kroos ka dalë para mediave për të folur për ndeshjen e parë gjysmëfinale të Champions League kundër Cityt. Megjithatë, një nga përgjigjet e tij më mbresëlënëse erdhi kur u pyet për nënshkrimin më se të mundshëm të Bellingham nga Real Madrid.
Lojtari gjerman ka qenë shumë i sinqertë dhe ka pranuar se nuk e ka parë Bellinghamin të luajë shumë për të ofruar një mendim për të dhe ardhjen e tij të mundshme në Bernabeu.
“Nëse ai vjen në Madrid, do ta shoh më shumë (qesh). Është e vërtetë që nuk i kam ndjekur shumë ndeshjet e Dortmundit, ndaj nuk mund të jap një mendim, është më shumë një pyetje për klubin”, ka komentuar Kroos për lojtarin anglez.
Ka qenë një nga temat e ditëve të fundit në ambientin e Real Madridit, megjithatë duket se Kroos nuk ka qenë tepër kurioz të dijë se si luan bashkëlojtari i tij i ardhshëm në shtëpinë e bardhë.
Është gjithashtu e vërtetë se mund të jetë një ‘taktikë’ e lojtarit madrilen për të mos larguar vëmendjen e mediave nga ajo që për momentin është prioriteti i vetëm për kryeqytetasit, ndeshja e parë gjysmëfinale kundër Cityt.
Discussion about this post