“Mourinho ka tre ditë që bën të njëjtën gjë”, Kumbulla: Dua të fitoj trofeun e parë në Tiranë

Futbollisti i kombëtares shqiptare, Marash Kumbulla nuk e nis si titullar finalen Roma-Feyenoord. Mbrojtësi shqiptar shpreson të luajë disa minuta gjatë ndeshjes. Në një prononcim për Sky Sports para fillimit të finales së Conference League, 22-vjeçari u ka dhënë mbështetje shokëve të skuadrës. Nuk mungon edhe një koment për Jose Mourinhon.

“Jam shumë krenar që jam një shqiptar që do të luaj në finalen e Tiranës. Ëndrra ime është të fitoj sonte, dua ta ngre në Tiranë trofeun tim të parë. Ndeshja? Ne do të përpiqemi ta frenojmë presionin e tyre, sepse e dimë se ata janë një ekip agresiv. Ne kemi cilësitë tona, mund t’i bëjmë keq Feyenoordit. Mourinho na karikon shumë, u bënë 2-3 ditë që na karikon pafund. Mezi presim të zbresim në fushë. Ndjesi e bukur kjo finale, sidomos në Shqipëri, është shumë e çuditshme, por në të njëjtën kohë e bukur” – deklaroi Kumbulla.