Një ngjarje e çuditshme ka ndodhur sot në Tiranë. Një person që kishte dy vjet i zënë me fqinjin e tij, i është kujtuar pas kaq kohësh sharjet dhe ofendimet që kanë thënë në debat e sipër dhe ka shkuar sot “te marr hak”. Lajmin e ka bërë të ditur fqinjat e tij, e cila thotë se ka dëgjuar të riun të godasë me shqelma derën e shtëpisë dhe të kërcënojë të shoqin. Ai e qëlloi derën me grushte dhe shkelma dhe sipas tij, ky veprim u krye mbasi nuk i kontrolloi dot nervat kur kaloi përpara shtëpisë së çiftit me të cilin ishte grindur në fund të 2019.
“Kur dëgjova zhurmat në portë po vija fëmijët në gjumin e drekës. U afrova të shikoja, por nuk vërejta gjë. Më pas pashë kamerat e sigurisë dhe aty vërejta një person me kapele që po godiste me duart e shkelma portën”.Gruaja shton për policinë se e ka identifikuar menjëherë agresorin i cili është një i ri që jeton ngjitur me banesën e tyre.“Më tepër se dy vjet më parë ne kishim një konflikt me ta sepse na dëmtuan derën e jashtme pa dashje. Dhe ne e sqaruam këtë konflikt. Herë tjetër nuk kemi pasur asnjë problem dhe gjithçka ka shkuar mirë,“- deklaron sipas burimeve, e reja, e cila edhe në rastin e parë është paraqitur në polici për dëmtim të pronës duke kryer denoncim që u mbyll mbasi nuk kishte vepër penale.
Policia i thotë gazetës “Si” se kreu veprimet e duhura hetimore, siç është sekuestrimi i kameras së sigurisë dhe konstatoi se dera e jashtme nuk kishte asnjë dëmtim. Më pas thirri të dyshuarin. Ai e ka pranuar menjëherë veprimin absurd. “Para dy vitesh patëm një incident të vogël dhe ata më ofenduan. Këtë veprim e bëra nga nervat , kalova para portës dhe u kujtova për sharjen dhe më hipi gjaku në kokë dhe ndaj e qëllova portën me shkelm”,- thotë i dyshuari në policinë numër 6.
Policia ka pyetur të dyja palët ku përfshihet edhe kryefamiljari i derës së shkelmuar, nëse kishte apo jo pretendime të tjera, por ai e ka mbyllur bisedën duke ngritur supet. “Ditën që e qëllloi portën me shkelma dhe duar, u ngrita dhe shkova tek fqinjët. I pyeta nëse kishin ndonjë problem tjetër dhe përse burri i shtëpisë e qëllloi portën. Por ai kërkoi falje duke u shprehur se fajin e kishte kujtesa që nuk ia kishte fshirë sharjen. Gruaja ime këmbënguli se kjo gjë duhej të paraqitej në komisariat dhe nuk e kundërshtova”, rrëfen kryefamiljari
Discussion about this post