Ish-futbollisti i kombëtares, Shkëlqim Muça ka theksuar se nuk e admiron aspak lojën e kuqezinjve por shpreson që trajneri Edi Reja të vijojë të qëndrojë në stolin e ekipit kombëtar.
“Kemi përpara një nga ekipet më të dobëta të grupit, dhe duhej provuar diçka ndryshe. Për mua duhej të ishte ekip që në dy krahë të kishte lojtarë sulmues, për shembull Roshi. Hysaj duhet të ishte në mbrojtje dhe në krah të vendosnim Lenjanin. Ky është formacion sikur të luanim me ekipe të forta, jo me Andorrën.
Kështu kemi luajtur në Francë. Me Andorrën duhet të kemi luksin të luajmë me dy sulmues, dhe mbrapa Bajramin. Ne futëm Bajramin në Angli, dhe sot fut 3 mesfushor me tipare ofensive. Për mua duhet të provohej diçka tjetër, përballë një skuadre inferiore. Të kishte me shumë guxim, është trajner që si filozofi nuk më pëlqen, por nëse fiton sot duhet të zgjasë kontratën pasi ka arritur objektivin, ndërsa si filozofi loje nuk më pëlqen Reja’’, u shpreh Muça.
Discussion about this post