Shqipëria do të luajë të martën në orën 18:00 miqësoren me Bullgarinë në “Air Albania”. Sulmuesi i Kombëtares, Ernest Muçi i bëri një thirrje tifozëve për këtë sfidë dhe gjithashtu u ndal te e ardhmja.
“Të them të drejtën të gjithë çunat kanë grintë që ne të shkojmë në Europian. Të gjithë jemi shumë të lumtur që arritëm të merrnim një fitore shumë të madhe me Çekinë. Do fokusohemi te këto dy ndeshjet e mbetura që pse jo të jemi në vendin e parë të grupit.
Normal jam shumë i lumtur që marr atë lloj afeksioni nga tifozët dhe njerëzit që më rrethojnë. Jam shumë i lumtur që jam pjesë e kësaj kombëtareje dhe këtyre çunave që më suportojnë edhe mua gjatë gjithë kohës. Për të ardhmen akoma nuk e di. Jam akoma në gjysmën e këtij fillimi kampionati, duhet të fokusohem akoma. Nuk e di nëse është mundësia, egoja e futbollistit është që të luajë në një kampionat sado të fortë. Shpresoj që të jap më të mirën dhe të bëhet diçka e mirë.
Këtë ndeshje nuk e shikojmë shumë miqësore, e shikojmë më shumë si një ndeshje zyrtare. Shpresoj që të luajmë sa më mirë dhe të paraqitemi sa më mirë. do të luftojmë shumë dhe do të duam që ta fitojmë. Ndihem shumë mirë. ky ekip ka një harmoni shumë të mirë. Duket edhe në fushë edhe jashtë. Atmosfera është shumë e mirë dhe unë ndihem shumë mirë në këtë grup.
Përveç komplimenteve me Silvinjon kemi folur si do të përmirësohem unë si futbollist. Ai më ka ndihmuar që nga hera e parë që jam grumbulluar në Kombëtare.
Është ndjenjë e bukur. Normal që Legia është një klub i madh me tifozë të mëdhenj. Ndihem mirë që më respektojnë dhe i falënderoj shumë.
Te ekipi im edhe për fitoren me Çekinë shumë lojtarë më thanë: Faleminderit që fituat. Edhe te ekipet tona kemi krijuar një lloj afeksioni që për ne është shumë gjë e mirë.
Shpresoj që shumë tifozë të vijnë dhe të na shikojnë. Ne do të japim më të mirën te kjo ndeshje. Të vazhdojmë festën për fitoren me Çekinë, por duhet të fokusohemi te Bullgaria.
Jam shumë i lumtur për Asanin sepse po bën shumë mirë dhe e meriton. Shpresoj që një ditë dhe unë të shënoj si ai”, u shpreh Muçi.
Discussion about this post