Gazetari Artan Hoxha është thirrur për të dëshmuar nga Prokuria Federale e Belgjikës për çështjen e “Toyota Yaris”. Gazetari zbuloi një javë më parë se prokuroria nuk pranoi të merrte dëshminë e tij në Tiranë me frikën e dekonspirimit.
“Unë javën tjetër ditën e martë në orën 10:00 do të jem pranë prokurorisë federale belge për të dëshmuar për “Toyota Yaris”, autoritetet belge zgjodhën të mos e merrnin dëshminë në Tiranë, pasi sipas atyre dëshmia mund të dekonspirohej në Tiranë. Në çdo prokurori që më kanë kërkuar unë kam shkuar dhe kam dhënë dëshminë time”, deklaroi gazetari Hoxha.
Ka qenë vetë Artan Hoxha përmes një postimi në Facebook ai që ka publikuar pamjet nga zyrat qëndrore të Policisë Gjyqësore Federale të Belgjikës.
“Ne zyrat qendrore te Policise Gjyqesore Federale te Belgjikes…
Me priten mire mor vellezer, gjynah te qahem.
Nga zyrat prej xhami te oficereve federale belg, Brukseli kishte nje pamje fantastike…
Kater ore brenda me federalet, per çeshtjen “Toyota Yaris”.
Por se ç’u tha dhe se ç’u be aty brenda, as degjova gje dhe as mbaj mend gje…po fare, fare.
Kaq kisha…”-shkruan Artan Hoxha.
Discussion about this post