Këngëtari i njohur shqiptar, Labinot Tahiri, njëherësh ish-deputeti i Kuvendit të Kosovës, i ka kërkuar ditën e stome kryeministrit Albin Kurti që ta bëjë pjesë të kabinetit të tij. Ai përmes një statusi të bërë në rrjetin social Facebook, ai i bën të ditur Kurtit se dëshirën të punojë si ministër i Shëndetësisë.
Madje, Labi shprehet se do ishte i gatshëm të punojë pa rrogë, vetëm e vetëm që t’i përfillte kërkesat e qytetarëve dhe nevojat e tyre në fushën e shëndetësisë.
“Si ministër i shëndetësisë, do të punoja pa as një rrogë, vetëm ta realizojë atë që e duan qytetarët tanë , besimin në shëndetësi se jo akoma pas 20 vite paratë tona të shkojnë në Turqi e në vende të ndryshme! Lexojeni se një ditë do të sëmuremi edhe ne….
I nderuar Kryeministër, meqenëse ju jeni aty në vendin e merituar, mendoj se edhe duhet të keni afër njerëz, të cilët e kanë vullnetin të punojnë siç duhet për vendin dhe qytetarët!
Labinot Tahiri, është një këngëtar mjaft i preferuar si nga publiku shqiptar edhe ai kosovar, të cilët përveç zërit e vlerësojnë atë si një person me intelekt, human dhe mjaft të zotin.
