Këtë të premte skuadra e Partizanit do të ndeshet me Teutën në orën 16:45 n2 ‘Elbasan Arena’ për javën e 10 të Superligës.
Duke folur në prag të kësaj sfide trajneri i ‘Të kuqve’ të kryeqytetit, Ilir Daja u shpreh se përveç dy skuadrave që qëndrojnë në krye të tabelës, gjithë të tjerët kanë probleme në qëndrueshmërinë e rezultateve.
“Kemi krizë rezultatesh, sepse Partizani nuk është mësuar me këto rezultate. Por kemi paraqitur një lojë, ku nuk jemi dominuar nga ekipet e tjera. Po ti bësh një analizë fazës, besoj se të gjitha ekipet kanë qenë të paqëndrueshme, ashtu si Partizani. Me përjashtim të 2 ekipeve të para. Në lojë kemi bërë më mirë se të tjerët dhe kjo na jep garanci”.-theksoi ai.
Më tej tekniku i ‘Demave të kuq’ shtoi se i gjithë problemi në mungesën e rezultateve sipas tij janë lojtarët që ka në dispozicion.
“Nuk ka të bëjë me ndryshimin e manovrës, por me kundërshtarin dhe lojtarët që kemi në dispozicion. Në 4-4-2 nuk mund të fusësh një lojtar mbrojtës, por koha e pakët për të përgatitur këtë përballje na bën të mundur që me spostimin e Grigorov të kemi një skemë të përafërt me atë që kemi përdorur”.-theksoi Ilir Daja.
Rikujtojmë se në 9 ndeshje të zhvilluara, Partizani ka grumbulluar vetëm 9 pikë dhe renditet në venin e 8 të tabelës së Superligës./K.T/Gijotina.com
Discussion about this post