Myrto Uzuni ka thënë ditën e sotme se mungesa e tifozëve të Hungarisë në ndeshjen tonë në transfertë nuk e favorizon Kombëtaren shqiptare.
Në konferencën për mediat të dhënë gjatë grumbullimit, Uzuni është shprehur se kjo sfidë do jetë shumë e veçantë për të pasi do përballet me Kombëtaren e vendit ku ai aktivizohet.
“E kam thënë gjithmonë që ndihem në formën time më të mirë, por Kombëtarja është gjë tjetër dhe duhet të japim maksimumin”. – u shpreh ai.
Më tej ai shtoi se do donte shumë që të luante në përballjen me Hungarinë, pasi një pjesë të lojtarëve të asaj përfaqësueseje e njeh mirë.
“Normalisht që dua të luaj në çdo ndeshje. Do thoja që të luajë me Hungarinë pasi e njoh mirë se jetoj atje dhe stërvitem me lojtarët që do luajnë kundër Shqipërisë.”- vijoi sulmuesi.
Ndërsa thelbin ylli i Ferencvarosit e vendosi te fakti se mungesa e tifozëve të Hungarisë nuk na favorizon aspak.
“Nuk është avantazh për ne pasi Hungaria kur ka luajtur pa tifozë ka pasur rezultate shumë të mira, ndërsa kur ka luajtur me tifozë ka ndodhur e kundërta.”-theksoi Myrto Uzuni.
Ndërsa rikujtojmë se më 9 tetor ‘Kuqezinjtë’ do të përballen në transfertë me Hungarinë, teksa më 12 tetor do ndeshen në ‘Air Albania’ me Poloninë./K.T/Gijotina.com
