Keidi Bare ka folur së fundmi për ecurinë në La Liga me skuadrën e Espanyol. Në konferencën për mediat të dhënë në prag të kualifikueseve të Botërorit, Bare ka thënë se ecuria e tij te klubi spanjoll është duke ecur mjaft mirë.
‘Në Kombëtare vij gjithmonë me shumë siguri, kam besim tek lojtarët e tjerë dhe te trajneri. Dua të them se me Espanyolin po shkojnë gjërat shumë mirë. Kam luajtur rregullisht dhe shpresoj të vazhdoj kështu.’-u shpreh ai.
Duke folur më tej të vështirësitë që mund të ketë një shqiptar në La Liga, mesfushori ‘Kuqezi’ ka theksuar se është shumë, por me punë arrihet çdo gjë.
‘Një shqiptar e ka të vështirë, kam luftuar dhe punuar shumë të arrij këtu ku jam. Nuk është shumë e lehtë, më e rëndësishme është që të vazhdoj me këtë rritëm dhe të kaloj më lartë, është e vështirë, por me punë dhe seriozitet, arrihet çdo gjë.’-tha Bare.
Teksa ka bërë një krahasim të Kombëtares që kemi tani me atë të para disa viteve, lojtari shtoi se kjo përfaqësuese është në nivel shumë të mirë.
‘Kombëtarja e sotshme po zhvillon ndeshje shumë të mirë, pikësynimi jonë është të zëmë vendin e dytë dhe pse jo të mos të shkojmë në Botëror. Duhet përqendrim dhe çfarë na thotë trajneri. Do t’ia arrijmë qëllimit, edhe pse e dimë shumë mirë, se janë 2 ndeshje të vështira.’-shtoi Bare.
Rikujtojmë se Kombëtarja do të zhvillojë dy ndeshjet e fundit kualifikuese të Botërorit ‘Qatar 2022’ më 9 tetor kundër Hungarisë në transfertë dhe me Poloninë me 12 tetor në ‘Air Albania’./K.T/Gijotina.com
