Banorët e fshatit Rrajcë të Prrenjasit janë ngritur në protestë ditën e sotme për mungesën e ujit të pijshëm.
Pavarësisht investimeve të reja nga Banka Qëndrore në ujësjellësin e Rrajcës, disa lagje të fshtatit janë lënë prej dy muash pa ujë, duke sjellë dhe tharjen e prodhimeve bujqësore.
Rrajca nuk e ka ndier mungesën e ujit vaditës ndër vite e megjithatë bashkia Prrenjas ka vendosur të investojë në ujësjellës dhe kanalizime, por në vend të përmirësojë kushtet për banoret, e vetmja gjë që ka bërë është ndërtimi i disa pusetave si edhe prishja e kanalizimive të vjetra.
Sipas banorëve, një situatë e tillë është e përsëritur në fshat, pasi edhe para dy vitesh një investim i ngjashëm solli vetëm konflikte.
“E njëjta situatë u shkaktua para dy vitesh në fshatin Bërzeshtë të Prrenjasit, ku një investim i ri në ujësjellës solli vetëm konflikte në fshat dhe pjesa me e madhe e banorëve mbeten pa ujë, por me forcat e tyre rikthyen përsëri në punë ujësjellësin e vjetër i cili edhe pse i amortizuar punon më mirë sesa Ujësjellësi i ri” tha njëri nga banorët.
Banoret e Rrajcës kërkojnë të rishikohet projekti dhe të funizohen me ujë të pijshëm
