Një ndeshje tmerri u kthye për Arsenalin përballja e parë e Premier Ligës angleze, që topçinjtë duhet ta luanin në transfertë.
Pjesa e parë e pa skuadrën e Artetas në disavantazh ku që në minutën e 22’ , Brentford ka shënuar për të marrë kontrollin e lojës me golin e Canos.
Kujtojmë që Sergi Canos, me këtë gol të shënuar kundër Arsenal, bëhet golashënuesi i parë i Premier Ligës angleze për këtë sezon, duke e mbyllur në këtë mënyrë pjesën e parë 1-0, duke e dërguar skuadrën e Xhakës në disavantazh në dhomat e zhveshjes.
Pjesa e dytë foli e gjitha për Arsenalin, por vetëm statistikisht ku rastet nuk munguan, por minuta e 73 do të sillte ndëshkimin për portën e Lenos, me Norgaard që shënon golin e dytë për Brendford, për ta cuar rezultatin final të ndeshjes në 2-0.
Në këtë takim Arsenali erdhi me shumë mungesa, ku Gabriel, Lacazette dhe Thomas janë të dëmtuar për arsye të ndryshme, por ajo që prishi çdo plan të trajnerit Arteta, ishte Aubameyang, që konfirmoi mungesën vetëm në minutat e fundit para ndeshjes.
