‘Air Albania’ do të presë sot në orën 20:45 ndeshjen e Shqipërisë me Poloninë, për të mundësuar më pas kalimin në fazën e ‘Play-off” të kualifikueseve të Botërorit “Qatar 2022”,
Kjo sfidë që konsiderohet edhe si një finale, do të ndiqet nga plot 22 mijë tifozë që do jenë edhe lojtari i 12-ë në skuadrën e ‘Kuqezinjve’.
Kombëtarja shqiptare vjen në këtë takim me disa mungesa shumë të rëndësishme, Berat Gjimshiti u dëmtua rëndë në ndeshjen me Hungarinë ndaj duhet të qëndrojë jashtë fushës së blertë për rreth një muaj, teksa Sokol Cikalleshi ka rezultuar të hënën pozitiv me Covid -19 dhe kështu edhe ai do të humbasë këtë përballje shumë të rëndësishme.
Abrashi dhe Balaj mungojnë pasi janë të dëmtuar, Hoxhallari po ashtu është i infektuar me koronavirus, ndërsa Çekiçi nga ana tjetër është pezulluar nga kartonat e verdhë, duke e çuar numrin e mungesave në gjashtë emra shumë të rëndësishëm të përfaqësuese sonë.
Kjo të lë të kuptohet se formacioni me të cilin do të zbresë sot në fushë Kombëtarja ‘Kuqezi’ është ky:
SHQIPËRIA (3-5-2): Berisha, Ismajli, Kumbulla, Veseli, Hysaj, Bare, Gjasula, Bajrami, Trashi, Manaj, Broja./K.T/Gijotina.com
