Gazetari Erli Murati, i ftuar në ‘Task Force’ me Sonila Meçon në Syri TV ka komentuar tensionet në Kosovë, ku u shpreh se prioritet ngelet stabiliteti në Kosovë.
Murati u shpreh ndër të tjera se nuk beson se do ketë ndryshim në diplomacinë amerikane për çështjen e Kosovës.
“Patjetër që në këtë skakerë rolin kryesor e luan faktori ndërkombëtar dhe kryesisht unë nuk i di gjjithë pjesëmarrësit në forumin e Moldavisë ose Bratislavës por patjetër që ShBA janë violinë e parë e dytë dhe e tretë dhe ndoshta shtatë vendet e tjera janë bosh, përsa i përket drejtimit strategjik që duhet të ketë Ballkani.
Në diplomaci marrëdhëniet mes shteteve janë pak a shumë si marrëdhëniet mes njerëzve që do thotë kur ka një konflikt apo përplasje fiton më i forti dhe jo më i drejti, në rastin konkret patjetër që Serbia është shtet më i fuqishëm se Kosova dhe Shqipëria por fatmirësisht pesha e faktorit ndërkombëtar është disa herë më e madhe se e Serbisë.
Nuk besoj që ka një ndryshim strategjik, siç e tha dhe Vuçiç nuk besoj se ka ndryshim në diplomacinë amerikane për çështjen e Kosovës, unë besoj se qeveria amerikane vazhdon të qëndrojë deri sa të ketë një njohje të ndërsjelltë mes dy shteteve por nga ana tjetër funksionon edhe parimi i prioritetit. Nëse deri dje në 99-tën ka qenë prioritet absolut çlirimi i Kosovës, ose në 2008 pavarësia, ndërsa tani është stabiliteti i Kosovës dhe i rajonit”, tha ai.
Discussion about this post