Roma këtë të enjte do të zbresë në fushë për tu përballur me CSKA Sofia, në ndeshjen e vlefshme për kompeticionin e Conference League.
Në vigjilje të kësaj përballje ka folur trajneri Jose Murinjo, skuadra e të cilit tashmë është e kualifikuar, por do të synojë të marrë vendin e parë në grup. Një shtysë të madhe për këtë qëlim mund ta japë Bodo Glimt nëse do të dështojnë ndaj skuadrës së Zorya.
Në ndjekje të finales që do të mbahet në ‘Air Albania’, Jose Murinjo ka folur para mediave ditën e sotme ku u shpreh:
“Asnjë nga lojtarët që munguan ndaj Interit për shkaqe dëmtimesh, nuk është rikuperuar për nesër. Do të lëmë pushim edhe ndonjë lojtar tjetër, pasi na presin shumë ndeshje, kemi shumë lojtarë me probleme fizike dhe nuk mund të rrezikojmë me të gjithë.
Gjithsesi, ne do të zbresim në fushë me skuadrën më të fortë të mundshme. E respektojmë CSKA, por objektivi ynë nuk ndryshon, duam të fitojmë ndeshjen”, deklaron trajneri luzitan, i cili më pas ndalet te vetja e tij.
“Nuk mendoj se kam ndryshuar shumë, pasi kam akoma të njëjtin pasion dhe ambicie për të fituar ndeshje e trofe. Ndoshta jam bërë disi më tip i qetë dhe ekspert, sidomos në përjetimin e situatave të ndryshme me të cilat përballesh gjatë një sezoni.
Në sezonin e paharrueshëm me Porton ëndërroja të fitoja Champions League, sot ëndërroj të triumfoj në Conference League. Janë dy turne të ndryshme, por ne po garojmë këtu ku jemi.
Sigurisht që do të ishte diçka historike të fitonim kompeticionin e parë të Conference League, por të shohim se deri ku mund të arrijmë”, theksoi Murinjo.
Discussion about this post