Banorët e zonës së Astirt në Tiranë kanë paralajmëruar se do të nisin një valë protestash, pasi Bashkia po shkon t’iu prish banesat pa folur më parë me ta.
Duke folur për mediet, një banore thotë se janë informuar në mënyrë informale për prishjen e banesave të tyre, ndërkohë një ditë papritur i kanë shkuar në shtëpi disa punonjës të ARRSH-së për t’i njoftuar.
Më tej banorja thotë se lajmi iu erdhi in papritur dhe kjo është sikur t’i godasësh me thikë pas shpine. Sakaq, ajo tregoi se ata kërkojnë që ARRSH të ulet e t’u bëj të ditur çdo detaj të projektit dhe jo t’u shkojë në befasi.
“Në rrugë informale morëm vesh që do na prishën banesat. Një ditë të bukur vijnë 3-4 punëtorë të ARRSH që thonë shtëpitë tuaja do të prishen se do bëhet unaza e re. Jemi qytetarë, jemi për zhvillim. Nuk kemi qenë në dijeni përpara absolutisht. Asnjë punonjës i bashkisë nuk ka komunikuar me banorët. Na ra bombë me thënë të drejtën. Kemi vendosur të bëjmë një valë protestash për të kërkuar që projekti të jetë formal dhe ta marrim vesh kush banesa prishen dhe kush jo”, u shpreh ajo.
Ndërkohë një tjetër banor tha se, se janë duke u nxjerrë në rrugë të madhe për interesat e pushtetarëve. Banorët theksojnë se biznesmenë të korruptuar të lidhur me Veliajn, duan të marrin truallin. “Biznesmenë të korruptuar të Veliajt duan të ngrenë pallate. Rama strehon afganë dhe na le neve në mes katër rrugëve. Kërkojmë dëmshpërblim për shtëpitë e shembura. Dua kompensim. Ne nuk tërhiqemi. Po shkatërrojnë shtëpi për interesat e një personi. Zona është për dëmshpërblim 100 përqind, se nuk jemi kundër ndërtimit të Unazës. Nuk na kanë dhënë asnjë informacion”, u shpreh ai.
Banorëve iu preken shtëpitë për shkak të punimeve që po bëhen prej muajsh në “Unazën e Madhe”.
E.H. gijotina.com/
