Shqiptari me origjinë nga Kosova, Hysni Qestaj, i njohur për të gjithë si “Dj Style Q” humbi jetën të dielën e Pashkëve më 1 prill nga një aksident me Ferrari në Itali.
Automjeti i tij, Ferrari GT C4, i bardhë, pas përplasjes mori flakë në rrugën Torino-Aosta. Mediat italiane raportuan se “Ferrari ” kishte qenë duke lëvizur me mbi 200 km/h kur ka rrëshqitur në rrugën e lagësht dhe është përplasur në anësore.
Në sediljen e pasagjerit të DJ-it 40-vjeçar, i cili jetonte në Villeneuve të Zvicrës, ishte një grua, e cila gjithashtu vdiq pas aksidentit dhe ende nuk është identifikuar.
Ajo nuk ishte gruaja e tij, pasi bashkëshortja e Hysni Qestajt nuk ndodhet në Itali, por ndodhet në Kosovë, së bashku me fëmijët e çiftit përkatësisht 11 dhe 14 vjeç.
Pas këtij lajmi tragjik, ka reaguar dhe bashkëshortja e viktimës, Dafina Qestaj, ku ka bërë një postim prekës për ndarjen nga jeta të bashkëshortit të saj.
“Qysh me jetu pa ty bre jeta jem. Na thave shpirtin e na e ndale diellin, po njerezit e mire nuk jetojne gjate ne kete bote. Ishe aq i mire, i drejte dhe i dashur sa Zoti te mori prane vetes. Po me mbajn gjalle kujtimet e bukura qe i kaluam dhe dashuria qe ndame per gati dy dekada. Pusho ne parajse aty ku e ke vendin, te deshtem, te duam dhe do te duam pergjithmone, une dhe dy engjujt tone qe i le kaq heret”, shkruan ajo.
Discussion about this post