Pas protestës së zhvilluar dy ditë më parë, ku qytetarët kërkuan dorëheqjen si kryebashkiak dhe arrestimin për aferën “5 D”, pakënaqësia ndaj Erion Veliajt po shfaqet edhe në rrjetet sociale.
Këtë të diel, në një postim propagandues në rrjetet sociale, Veliaj publikoi rednerin e asaj ç’ka e quan “parku fundor” në bulevardin e ri në kryeqytet.
Përveç komenteve pozitive që siç është dëshmuar më herët vijnë kryesisht nga ushtria e patronazhistëve të “Rilindjes”, ka edhe komentues që shfaqen skeptikë dhe të pakënaqur me kryebashkiakun Veliaj. Një prej tyre shkruan se projekti ishte premtuar të shtrihej deri te liqeni i Paskuqanit: “Fundi ishte tek liqeni Paskuqanit, o mashtrusa”.
Të tjerë kujtojnë aferën e drejtorëve të Veliajt të njohur si “5 D” dhe ato ç’kanë kanë zbuluar hetimet në lidhje me këtë procedim penal.
“Besoj se edhe këtë punë publike do e zhvillojë kompania 5D?”, komenton një qytetar.
“Pavarësisht se tani ka mbetë vetëm “2D” sepse “3D-t” e tjerë janë brenda”, shprehet një tjetër.
“Po këtu sa është copa e madhe që do heqësh per vete, apo ti s’ke dijeni”, shkruan një komentues.
“Ec se të presin shokët e SPAK more urith”, është një tjetër koment.
Hetimet japin indicje se është pikërisht Erion Veliaj koka e aferës me tendera. Ky i fundit ndërkohë është distancuar nga bashkëpunëtorët e ngushtë të arrestuar me urdhër të SPAK, ndërsa pretendon se nuk kishte dijeni për veprimtarinë e tyre kriminale. Opozita nga ana tjetër është e bindur se kreu i grupit të strukturuar kriminal është vetë Veliaj dhe ka paralajmëruar protesta të vazhdueshme deri sa të arrihet qëllimi i kërkuar prej tyre – dorëheqja e Erion Veliajt nga detyra e kryetarit të Bashkisë Tiranës.
Ndërsa institucionet e drejtësisë së re, për momentin, duket se kanë rënë në një dakordësi të heshtur për të amnistuar atë që perceptohet gjerësisht edhe nga opinioni publik si strumbullari i korrupsionit me tenderat e bashkisë dhe institucionet nën varësi.
Lexo edhe:
Erion Veliaj, ky hajdut shejtanbudalla!
Dorëheqje dhe arrestim, qytetarët duan ‘kokën’ e “hajdutit Veliaj”
Discussion about this post