Nacho Fernández do të vazhdojë edhe një sezon te Real Madridi dhe kapiteni i ri i ka dhënë mendimin e tij për nënshkrimet për të cilat klubi 14 herë kampion i Europës aspiron këtë verë. Madje ai ka guxuar të komentojë edhe ardhjen e Harry Kane dhe ardhjen e mundshme të Mbappe-së, për të cilën tashmë ka spekulime që në fillim të qershorit.
“Mbappe? Nëse do të ishte në dorën time, do ta merrja këtë verë. Logjike kjo gjë”, deklaroi kapiteni i parë i Real Madridit, i cili gjithashtu e bëri të qartë se: “lojtarë të rëndësishëm si Karim janë larguar nga ne dhe kemi nevojë për gola.
Nacho, i cili në një intervistë të fundit paralajmëroi një rinovim që së shpejti do të zyrtarizohet, ka dhënë edhe mendimin e tij për nënshkrimin e mundshëm të Harry Kane, i cili është bërë objektivi numër 1 i Real Madridit në këtë afat kalimtar.
“Harry Kane do të përshtatej në mënyrë të përkryer këtë verë dhe Mbappé do të vinte në tjetrën”, tha Nacho në një intervistë me El Chiringuito de Jugones përpara përballjes me Italinë të enjten e ardhshme në gjysmëfinalen e Ligës së Kombeve.
Discussion about this post