Kryeministri Edi Rama ka dalë në një konferencë të jashtëzakonshme për energjinë elektrike dhe rritjen e çmimit të naftës që në thuajse një javë është rritur tre herë.
Rama nxiti panik tek qytetarët kur tha se kërcënimi i djeshëm nga Rusia se do ta çojë çmimin në 300, nuk ka ndodhur asnjëherë në historinë e tregtisë së naftës, as në krizat më të mëdha, ndonëse kjo ishte një deklaratë hipotetike.
“Kërcënimi i përditshëm ekonomik, si rezultat i daljes nga binarët e normalitetit të kostove e vlerave të mallrave të konsumit. Sot dëshirojmë të flasim në mënyrë specifike për energjinë, pasi është palca e shtyllës kurrizore të sistemit ekonomik. Ndërkohë që kërcënimi i thellimit të krizës energjetike vjen vetëm duke u rritur dhe jo më çdo muaj, por çdo ditë. Ju e kujtoni se para disa muajsh unë e paralajmërova atë që po vinte, por natyrisht pa më shkuar ndërmend për asnjë sekondë se lëvizja e lexueshme gjeopolitike e Rusisë në ato momente për të ndikuar mbi çmimet në energji dhe hidrokarbure ishte preludi i një lëvizjeje të armatosur. Sot, çmimi i brendit të naftës ka kërcënuar dhe vazhdon të rritet. Nuk ka qenë e largët koha kur fuqia ishte 40, dhe sot jemi në 127, në këtë moment, para se të hynim këtu. Jo më larg se dje një prej përfaqësuesve të lartë të qeverisë ruse ka kërcënuar me një çmim në 300, që është një gjë e pandodhur në historinë e tregtisë së naftës, e pandodhur as në krizat më të mëdha”, u shpreh Rama.
Si çdo herë tjerë, Rama u justifikua duke thënë se kjo krize e naftës nuk varet nga qeveria, pasi Shqipëria është në ekonomë e tregut të lirë, ndonëse në vendet e tjera të botës nafta shitet me çmim më të përballueshëm.
Discussion about this post