Naftëtarët e Ballshit kanë dalë sërish sot në protestë, duke i kërkuar qeverisë që të dëgjoj fjalën e tyre dhe t’iu japë pagat e prapambetura. Ata kanë thënë një prononcim për mediet se, pasi janë të indinjuar nga fakti që rafineria do të shitet për skrap. Duke pasur në duar dokumentin që vërteton shitjen e uzinës, ata paralajmërojnë se do të përshkallëzojnë protestën, madje do të hyjnë në grevë.
“Sot do të marrim aktin final, do kalojmë në grevë urie. Nuk ka zgjidhje tjetër. Të bllokohen punimet, kujt t’ia kërkojmë këtë ne? Ministri i Brendshëm të vijë këtu, mos na fusin në konflikt me policinë. Këta me skafandra ne me duar bosh. Ça po bëhet këtu, si ka mundësi të ndodhë kjo? Policia e Shtetit po mbron hajdutin. Të na lejojnë të shkojmë te reparti ynë aty ku kemi derdhur djersën. Ne duam paratë tona. Të ndalohet vjedhja në uzinë“, shprehet një nga naftëtarët.
Dokumenti i paraqitur nga naftëtarët tregon se, një bankë e nivelit të dytë, e ka shitur rafinerinë 2 javë më parë për 9 milionë euro, ndërsa e gjitha do të çmontohet për të shkuar për skrap.
Ndërkohë që 800 naftëtarë do të paguhen nga shteti shqiptar me pagën minimale prej 30 mijë lekësh të reja, edhe pse qeveria ka hequr dorë nga 15 % të aksioneve që kishte tek ARMO. Megjithatë është vendosur që naftëtarëve t’u sigurohet paga për një periudhë 3-vjeçare. Ndërkohë ata kërkojnë edhe 3 paga të prapambetura, por ende nuk kanë marrë asgjë. Rafineria e naftës në Ballsh ishte pjesë e ARMO, u privatizua në vitin 2008 dhe kishte dy rafineri, atë të Ballshit dhe të Fierit. Por sot ka mbetur vetëm kjo e fundit aktive
Discussion about this post