Kreu i Partisë Demokratike në qytetin e Lezhës, Zef Gjoka ka dhënë dorëheqjen pas tre vitesh në krye të këtij posti.
Ende nuk ka asnjë informacion për arsyet që e kanë çuar Gjokën drejt marrjes së këtij vendimi, ndërsa vlen për tu theksuar se dorëheqja e tij vjen pak ditë pas dy Kuvende që do të mbajë kjo forcë politike.
Në mungesë të një kryetari, ky post po menaxhohet nga deputeti Agron Gjekmarkaj i cili është edhe i deleguari i PD-së për Qarkun e Lezhës.
Kujtojmë se gjatë ditës së djeshme u njoftua dhe dorëheqja e kryetarit të PD-së në Durrës Ferdinand Xhaferraj. Ky i fundit e kishte paraqitur dorëheqjen disa muaj më parë, kur ishte futur në garën për të qenë pjesë e Kuvendit.
Discussion about this post