Trajneri i skuadrës së Bajern Mynih, Julian Nagelsmann ka theksuar se është i bindur se një ditë sulmuesi i ekipit gjerman, Robert Levandovski do e fitojë “Topin e Artë”.
“Robert nuk duket i acaruar pse nuk fitoi Topin e Artë, edhe pse mendoj se të dhemb pak. Në sytë e mi do ta kishte merituar fitimin e çmimit prestigjioz, por ai është profesionist ekzemplar.
Unë mendoj se ai do të marrë energji të reja nga kjo që ndodhi dhe do të vazhdojë të shënojë shumë gola. Robert do të ketë shanse të fitojë sërish në të ardhmen Topin e Artë.
Nga një aspekt, unë theksoj se është shumë e rëndësishme ta shndërrojmë këtë zhgënjim në energji pozitive”, deklaroi trajneri i rekordmenëve të futbollit gjerman.
Discussion about this post