Raxha Naingolan ka patur një karrierë me shumë ulje dhe ngritje teksa shpesh herë ka qenë në qendër të vëmendjes për shkak të karakterit të tij. Zënkat me trajnerët, konsumi i tepërt i alkolit dhe cigares i kanë shkatërruar karrierën. Aktualisht mesfushori luan në kampionatin belg nuk ka hezituar të kritikojë trajnerin Roberto Martinez.
“Uillmots dhe Borkelmens e dinin që pija cigare në ballkon dhe e pranonin këtë gjë. Nuk shikoj ndonjë problem. Ne jemi profesionistë dhe mushkritë tona janë të stërvitura mirë. Tymosja sepse luftoja stresin.
Unë nuk luaj me kombëtaren për faj të Martinezit, jo prej stilit tim të jetesës. Në 2016 zhvillova një Europian shumë të mirë. Martinez erdhi dhe më tha që nuk mund të luaja në të njëjtin pozicion si tek Roma. Ai ishte i bindur që unë krijoja probleme në dhomat e zhveshjes. Hera e fundit që më thërriti ishte në 2018. Edhe nëse më thërret nuk do të pranoj”, tha Naingolan.
Discussion about this post