Janë luajtur mbrëmjen e sotme ndeshjet e radhës në Europa League, me disa prej sfidave që kanë dhuruar spektakël.
Napoli ia doli të fitonte ndaj Leicester City në një ndeshje ku u shënuan 5 gola. Italianët ia dolën të fitonin me rezultatin 3-2 dhe janë tashmë në kuotën e 10 pikëve në Grupin C.
Ndeshja u hap që në minutën që në minutën e katërt me Ounas që kaloi në avantazh napoletanët. Eljif Elmas dyfishoi rezultatin, por Leicester nuk u dorëzua. Anglezët ngushtuan diferencën me Jonny Evans dhe barazuan më pas me Kiernan Dewsbury-Hall.
Goli i fitores për Napolin u shënua sërish nga Eljif Elmas. Në këtë mënyrë italianët do të vazhdojnë më tej në fazën me eliminim direkt të Europa League.
Në ndeshjet e tjera Lyon i Xherdan Shaqirit nuk shkoi më larg se një barazim ndaj Rangers. Mesfushori shqiptar e filloi ndeshjen si titullar, ndërsa Lyon e mbyll në vendin e parë në grup. Ndërsa Legia e Ernest Muçit është ndalur në një humbje minimale 1-0 ndaj Spartakut të Moskës në shtëpi.
Discussion about this post