Skuadra e Napolit ka hedhur një hap fals për titullin kampion. Bardhekaltërit barazuan në transfertë me Sasuolan me shifrat 2-2 teksa tashmë e shohin veten vetëm një pikë larg Milanit të vendit të dytë. Një rezultat zhgënjyes për skuadrën e trajnerit Spaleti teksa gara për kreun është ngushtuar me Interin që është vetëm dy pikë larg.
Pas rezultateve zhgënjyese skuadra e Milanit fitoi me rezultatin e pastër 3-0 në transfertë me Xhenoan. Një sukses i merituar për kuqezinjtë e trajnerit Stefano Pioli. Ibrahimoviç hapi serinë e golave teksa Messias dyfishoi shifrat në fundin e pjesës së parë. Në të dytën nuk pati histori pasi skuadra e Milanit realizoi edhe të tretën me të njëjtin autor, Messias. Me këtë sukses Milani është vetëm një pikë larg kreut.
Discussion about this post