Ditën e sotme është ndarë nga jeta epidemiologu i njohur shqiptar, Ibrahim Luloçi. Lajmi i hidhur bëhet i ditur nga Institutit i Shëndetit Publik, i cili thekson në një mesazh në rrjetin social Facebook se doktor Luloçi ishte një epidemiolog me shumë eksperiencë, pasi punoi për shumë vite pranë repartit të mikrobeve aerogene, duke drejtuar disa fushata vaksinimi që nga Variola në vitin 1972 deri tek poliomieliti, fushatat masive të Fruthit dhe Rubeolës në vitet 2000 -2001.
Institutit të Shëndetit Publik, e ka dhënë lajmin e hidhur përmes një mesazhi ku i ka shprehur edhe ngushëllimet familjes.
“Instituti i Shëndetit Publik humbet një personalitet në fushën e imunizimit. Ndahet nga jeta Dr.Ibrahim Luloçi, i njohur ndryshe si Dr. Mimi. Si epidemiolog me shumë eksperiencë, ai punoi për shumë vite pranë repartit të mikrobeve aerogene duke drejtuar disa fushata vaksinimi që nga Variola në vitin 1972 deri tek poliomieliti, fushatat masive të Fruthit dhe Rubeolës në vitet 2000 -2001.
Dr. Luloçi ishte themeluesi i programit te zgjeruar të vaksinimit dhe së bashku me kolegët e tjerë krijuan depon e parë moderne frigoriferike në vend për ruajtjen e vaksinave. U prehsh në paqe Dr. Mimi! Respekt dhe mirënjohje nga i gjithë stafi i ISHP-së.”
Discussion about this post