Autori britanik Martin Amis vdiq sot në moshën 73-vjeçare, romanet e të cilit “Money” dhe “London Fields” e bënë atë një nga figurat më të njohura letrare të brezit të tij.
Romancieri dhe skenaristi botoi 14 novela, një kujtim, dy koleksione tregimesh dhe tetë koleksione me vepra jo-fiction gjatë jetës së tij.
Ai vdiq nga kanceri i ezofagut në banesën e tij në Florida, SHBA.
I lindur në Oksford në vitin 1949, ai ishte djali i shkrimtarit të ndjerë fitues të çmimit Booker, Sir Kingsley Amis, i cili gjithashtu vdiq në moshën 73-vjeçare, në 1995.
Ai u arsimua në shkollat në BM, Spanjë dhe SHBA përpara se të diplomohej në Kolegjin Exeter në Oksford, ku studioi anglisht.
Në vitin 1973, ai botoi romanin e tij të parë, “The Rachel Papers”, ndërsa punonte si asistent redaktues në “Times Literary Supplement”.
Në punën e tij ai eksploroi ngjarjet aktuale dhe botën bashkëkohore, si dhe periudhat kyçe të historisë, veçanërisht Holokaustin, për të cilin ai shkroi në romane si “Shigjeta e kohës” dhe “Zona e interesit”.
“Shigjeta e kohës” ishte në listën veprave për çmimin Booker, ndërsa romani i tij “Qeni i verdhë” i vitit 2003 ishte gjithashtu në listën e gjatë.
“Booker” e përshkroi atë si një nga romancierët më të vlerësuar dhe më të diskutuar të 50 viteve të fundit.
Discussion about this post