NATO i është përgjigjur propagandës ruse për luftën në Ukrainë, duke akuzuar Kremlinin për një sërë gënjeshtrash dhe lajmesh të rreme.
Nëpërmjet një videoje me titullin “Ndaloni gënjeshtrat, ndaloni luftën”, Aleanca Euroatlantike iu përgjigje akuzave të bëra nga qeveria ruse, duke iu referuara atyre si gënjeshtra.
NATO bënë me dije se Kremlini deklaronte se nuk dëshironte luftë dhe se nuk do të sulmonte askënd, por e vërteta është ndryshe.
Kujtojmë se, më 24 shkurt Putin ka nisur një sulm kundër Ukrainës, të cilin e ka planifikuar prej kohësh, thanë zyrtarët e NATO-s. Siç thekson NATO, forcat ruse po rrethojnë dhe bombardojnë qytete të ndryshme në Ukrainë nga dita në ditë.
Në të njëjtën kohë, NATO raporton se Rusia po ndërpret aksesin në informacione të besueshme duke bllokuar mediat sociale ndërsa kriminalizon gazetarinë e pavarur.
“Kremlini po gënjen popullin e Rusisë dhe mbarë botën. Ai po përpiqet të vrasë të vërtetën për këtë pushtim të dhunshëm dhe të paprovokuar të Ukrainës”, janë fjalët mbyllëse të përgatitura nga NATO.
Discussion about this post