Kryetari i Partisë Demokratike, Lulzim Basha, ka shprehur mesazh ngushëllimi për ndarjen nga jeta të aktores Edi Luarasi.
Me anë të një postimi në rrjete sociale, Basha shkruan se edhe në vitet e errëta të regjimit Edi Luarasi ndriçoi në skenën shqiptare me talentin e saj, pasi as diktatura nuk i’a errësoi dot shkëlqimin edhe pse u detyrua të largohej nga skena.
“Me trishtim të thellë mora lajmin për ndarjen nga jeta të artistes së madhe Edi Luarasi. Edhe në vitet e errëta të regjimit Edi Luarasi ndriçoi në skenën shqiptare me talentin e saj. As diktatura nuk i’a errësoi dot shkëlqimin edhe pse u detyrua të largohej nga skena.
Kjo ishte beteja e parë që humbi Edi Luarasi, por talenti dhe rolet e saj, qytetaria dhe eleganca që ajo i la vendit si artiste do të mbeten gjatë në memorien e shqiptarëve. Ngushëllimet më të thella për familjen, miqtë dhe të afërmit e saj. U prehtë në paqe!” – shkruan Basha më Twitter.
Discussion about this post