Pas lajmit të ndarjes nga jeta të ish-presidentit Bujar Nishani vjen dhe reagimi i kryetares së LSI-së, Monika Kryemadhi. Me anë të një postimi në Facebook, Kryemadhi shkruan se ikja e parakohshme e Nishanit është një lajm i hidhur për të gjithë. Ajo shprehet se Nishani është zyrtari, ushtaraku, qytetari dhe miku i mirë që karakterizohej nga integriteti dhe vlerat e larta njerëzore.
“Ngushëllime familjes Nishani!
Ikja e parakohshme e Presidentit Nishani është një lajm i hidhur për të gjithë, ndërsa mendimet tona në këto momente janë me Odetën, fëmijët dhe familjarët e tij. Bujar Nishani ishte zyrtari, ushtaraku, qytetari i shtetit e miku i mirë, që karakterizohej nga integriteti dhe vlerat më të larta njerëzore. Kujtimi dhe kontributi i tij për vendin do të mbetet i paharruar!”-shkruan Kryemadhi.
Bujar Nishani vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i ka lënë në organizëm.
Fillimisht, Nishani u shtrua në Senatorium dhe pas rehabilitimit të tij fillestar, ai u rikthye në spital për shkak se simptomat post-COVID e patën lënë me shenja pneumonie në mushkëri.
Bujar Nishani ishte 55 vjeç dhe ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017. Më herët ai kishte mbajtur poste të rëndësishme në qeveri, një ndër të cilave si ministër i Brendshëm.
Discussion about this post