Ditën e sotme po zhvillohen homazhe për ndarjen nga jeta të poetit dhe ish të përndjekurit politik, Uran Kostreci.
Kostreci është ndarë nga jeta ditën e djeshme në moshën 83-vjeçare. Ai vuajti padrejtësisht nën komunizëm 20 vjet burg sepse ishte kundër politikave të regjimit diktatorial.
Homazhet për këtë figurë emblematike të antikomunizmit do të zhvillohen nga ora 8 deri në 11, pranë Institutit të të Përndjekurve Politik.
Për të ndjerin kanë reaguar figura të rëndësishme nga të dy kampet politike duke u solidarizuar me ndarjen e tij nga jeta.
Kostreci ka ndërruar jetë në moshën 83 vjeçare, por sonetet e tij, kujtimet që ka lënë pas, dëshimtë për jetën nën burgjet komuniste dhe Epopeja e Karkalecave do të mbeten gjatë në mendjen dhe në bibliotekat e shqiptarëve.
