Regjisorja e njohur shqiptare, Burbuqe Berisha, ka ndërruar jetë në moshën 51-vjeçare të mërkurën, në Prishtinë. Lajmi është konfirmuar nga Ministria e Kulturës, Rinisë dhe Sportit.
Bëhet me dije se Berisha ka ndërruar jetë në objektin e MKRS-së, ndërkohë që gjendja e saj nuk ka qenë e mirë pasi prej vitesh ndodhej në dializë.
Berisha njihet si regjisore e disa prodhimeve kinematografike vendore si dhe shfaqjeve teatrale. Ajo gjithashtu ka shërbyer edhe si drejtoreshë e Teatrit Kombëtar të Kosovës.
Krahas një karriere të suksesshme në regji dhe film, Burbuqe Berisha ka ushtruar edhe profesionin e ligjërueses në Kolegjin AAB.
