Kryeministri Edi Rama ka folur për mediat pas nënshkrimit të marrëveshjes me kompaninë e Behgjet Pacollit për ndërtimin e aeroportit të Vlorës.
Gjatë fjalës së tij, Rama tha se ky është një moment shumë më i rëndsishëm se vaksina.
Ndër të tjera, kreu i qeverisë tha se këtë projekt mund ta kenë mallkuar shumë persona pasi është ndërprerë disa herë.
DEKLARATA E RAMËS:
Ky për mua është një moment shumë më i rëndësishëm se vaksina. Më jep mundësi të buzëqesh pas një përpjekje shumë të gjatë aq të gjatë me pengesa aq të shumta saqë Belinda ne di shumë mirë që në momente të caktuara fillova të them s’ka mundësi ka një mallkim dikush e ka mallkuar këtë projekt sepse sapo ngjishnim një problem lindte një tjetër. Procesi i mbushur me nervozizëm dhe zhgënjim. Ka qenë një histori për t’u bërë libër historia e rrugës tonë për të ardhur deri këtu që në fillim.
Por në fund axha Behgjet e di se kush bën biznes do ta dijë sa është fitimi. Kur gara ishte në process ra virusi, i cili siç e dimë të gjithë mbylli botën dhe sot e gjithë ditën është e qartë që industria më e goditur ndër të gjitha industritë e bombarduara është ajo aeroportuale. Dhe në atë moment të interesuarit na çuan kërkesat për ta pezulluar garën. Gara u pezullua për t’u hapur më pas. Gjatë kësaj periudhe ndodhi bllokimi për të gjitha kompanitë në industrinë aeroportuale, kështu kompanitë s’mund të angazhoheshin në investime të reja gjë që na la realisht përsëri jashtë procesit dhe mesa duket gjërat ndodhin gjithmonë për një arsye. S’ka pasur kënaqësi më të madhe kur Belinda më ka thënë se axha Behgjet ka hyrë në garë dhe ka qenë një arsye më shumë për ta falenderuar.
Discussion about this post