Eliminimi i Senegalit nga Belgjika në Kupën e Botës 2026 është shoqëruar me polemika të forta, pasi ish-futbollisti senegalez Paul Keita ka bërë akuza të rënda ndaj sulmuesit Nicolas Jackson.
Keita pretendoi se Jackson kishte probleme me alkoolin gjatë turneut, duke lënë të kuptohet se kjo ndikoi edhe në paraqitjet e tij me kombëtaren.
“Jackson ishte aq i dehur gjatë Botërorit, sa nuk arrinte të stërvitej”, deklaroi Keita, duke shkaktuar reagime të shumta në mediat sportive dhe rrjetet sociale.
Sulmuesi reagoi menjëherë përmes një postimi në Instagram, ku mohoi kategorikisht akuzat.
“Po shoh çfarë po thuhet për mua. Është e gjitha e rreme. Nuk konsumoj alkool dhe nuk kam konsumuar kurrë. E dua shumë këtë fanellë dhe i respektoj shumë shokët e skuadrës për t’u sjellë në mënyrë joprofesionale”, shkroi Jackson.
Më pas ai iu drejtua drejtpërdrejt ish-futbollistit me një mesazh të ashpër.
“Ndalo së gënjyeri, idiot. Askush as nuk e di që ke luajtur për vendin tonë. Je një ish-lojtar i Senegalit dhe po gënjen për futbollistët. Përqendrohu te karriera jote në vend që të thuash se unë konsumoj alkool”, përfundoi ai.
Deri tani, Federata e Futbollit e Senegalit nuk ka reaguar zyrtarisht lidhur me këto akuza, ndërsa polemikat vazhdojnë të dominojnë diskutimet pas eliminimit të kombëtares nga Botërori 2026.
Discussion about this post