Java e 13 ka rezervuar një ndeshje shumë të vështirë për skuadrën e Teutës, e cila do duhet të përballet me Kukësin. Kjo ndeshje do të zhvillohet të hënën në orën 16:45 në ‘Elbasan Arena’.
Duke folur në konferencën për mediat përpara këtij takimi, trajneri i ‘Djemve të Detit’, Renato Arapi u shpreh se ky takim do të jetë shumë i vështirë, megjithatë pret më të mirën nga ekipi.
“Sigurisht që klima ka ndryshuar goxha, pasi gjithmonë pas fitoreve rritet besimi, rritet entuziazmi dhe kjo është diçka pozitive jo vetëm për ne, por për çdo ekip. Sigurisht që presim një ndeshje shumë të vështirë, Kukësi ka treguar që këtë kampionat ka lojtarë goxha cilësorë dhe bëjnë shumë mirë në fazën e sulmit. Gjithsesi janë të gabueshëm në pjesën prapa dhe kjo është diçka e mirë për ne”,-tha ai,
Më tek tekniku i ri i Teutës theksoi se e vetmja mungesë për ta do të jetë Jackson, por shtoi se i gjithë ekipi është në formë të mirë.
“Shqetësimi i vetëm është Jackson, i cili mungon. E kemi treguar edhe në ndeshje të tjera, që çdo lojtar që futet paraqitet mirë. Kemi një ekip të kompletuar për ta përballuar siç duhet ndeshjen”-deklaroi Renato Arapi.
Rikujtojmë se Teuta vjen në këtë sfida nga fitorja ndaj Dinamos, teksa Kukësi vjen nga disfata ndaj Laçit në ‘Air Albania’ dhe pritet të bëjë një lojë shumë të ashpër për të marrë 3 pikët./K.T/Gijotina.com
Discussion about this post