Sulmuesi i Fiorentinës, Dusan Vlahovic, nuk donte të ‘shqetësonte’ Zlatan Ibrahimovic pas fitores 4-3 të Violës ndaj Milanit.
Lojtari serb vazhdon të impresionojë dhe ka shënuar 10 gola në 13 ndeshje në Serie A këtë sezon, duke përfshirë një dygolësh në fitoren ndaj Milan fundjavën e kaluar.
Sulmuesi i Violës pranoi se dëshiron të ndihmojë që Fiorentina të kthehet në kampionatet e Evropës pas një fillimi të mirë nën drejtimin e Vincenzo Italiano, përpara se të fliste për fitoren e madhe kundër ‘Djallit’.
“Ndeshja kundër Milanit ishte një ëndërr”, tha Vlahovic për Telegraph.rs. “Por si në çdo punë, e kaluara tashmë është harruar dhe gjëja më e rëndësishme është ajo që do të vijë. Përpiqem të mos i ndjek shumë mediat, por në një farë mënyre ato ia dalin gjithmonë të më arrijnë. Ose ma dërgojnë miqtë ose e shoh në rrjetet sociale. Më duhet të vazhdoj stërvitjen edhe më fort dhe me dëshirë dhe vullnet edhe më të madh dhe shpresoj të vazhdoj kështu”.
Vlahovic zbuloi se ndeshjet kundër Milanit janë gjithmonë ‘të veçanta’ për shkak të idhullit të tij Ibrahimovic, por zbuloi se nuk foli me superyllin pas fitores kundër kuqezinjve të Italisë fundjavën e kaluar.
Serbi shpjegoi se nuk donte ta ‘shqetësonte’ suedezin pas fitores 4-3, por kujtoi momentin e veçantë nga e kaluara, kur Zlatan i dhuroi një fanellë.
“Zlatan më tha në serbisht të mos dorëzohem dhe të vazhdoj përpara”, shtoi Vlahovic. “Ai më shkroi një mesazh në gjuhën tonë në fanellë. Çdo ndeshje kundër Milanit është diçka e veçantë për mua, sepse të gjithë i dinë historitë për Ibrahimovic, i cili është idhulli im. Të shtunën, shënova golin tim të parë kundër Milanit, fitova kundër Milanit për herë të parë dhe është një kënaqësi e madhe. A jam unë trashëgimtari i tij? Nuk ndihem si trashëgimtari i tij dhe mendoj se secili duhet të shkojë në rrugën e tij. Ai është një kampion i madh, një nga sulmuesit më të mirë që jam përballur ndonjëherë në futboll, por kam ende shumë për të bërë për t’iu afruar nivelit të tij. Përpiqem të kem rrugën time, të punoj më shumë për veten time, të përmirësoj veten dhe të marr rezultatet më të mira.”-shtoi ai
Serbia arriti të fitojë në Grupin A të Kualifikueseve Evropiane të Kupës së Botës dhe në këtë mënyrë rezervoi një vend automatik në Katar 2022./K.T/Gijotina.com
Discussion about this post