Këtë fundjavë do të rikthehen sfidat e Supeligës, pas një pushimi të gjatë për shkak të ndeshjeve të Kombëtares për kualifikueset e Botërorit ‘Katar 2022’.
Takimi i raundit të pestë për Partizanin dhe Kukësin do të zhvillohet në stadiumin ‘Air Albania’, duke u bërë kështu sfida e parë e elitës së futbollit shqiptar që luhet aty për këtë sezon.
E ndërsa ndeshja do të luhet të dielën në orën 16:45, klubi i ‘Të kuqve’ ka publikuar ditën e sotme çmimet e biletave, nga ku më e shtrenjta kushton 2000 lekë dhe më e lira 500 lekë të reja.
Më tej, Partizani ka shtuar edhe vendin ku mund të sigurohen këto bileta që është pranë stadiumit ‘Selman Stërmasi’ duke filluar që sot nga ora 10:00 deri në orën19:00./K.T/Gijotina.com
