Luftar Reçi, i dënuari që ka bashkëpunuar me drejtësinë për zbardhjen e dy vrasjeve të ndodhura 15 vite më parë ndaj biznesmenit Vajdin Lamaj dhe Klodian Salihut, është infektuar me Covid-19.
Mësohet se Reçi, i cili vuan dënimin në burgun e Drenovës, është shtruar në spitalin Rajonal të Korçës, ku po merr trajtim më të specializuar. Në burgun e Drenovës ka ende të prekur me Covid, por shifrat nuk bëhen me dije nga ky institucion. Më herët tre prej të dënuarve janë dërguar në Tiranë për shkak të gjendjes të ndërlikuar shëndetësore.
Kujtojmë se, Reçi është personi i cili ka dhënë detaje për dy vrasje të bujshme, duke përfshirë kështu Emiljano Shullazin dhe Lulzim Berishën. I njohur ndryshe si i ‘tmerrshmi i Dibrës’ është personi që me dëshmitë e tij ka bërë që të rihapen dosjet e bujshme të dy vrasjeve të ndodhura në 2005-ën, ajo e Klodian Saliut dhe e biznesmenit Vajdin Lamaj.
Discussion about this post