Policia ishte vënë në ndjekje të një grabitësi, mbrëmjen e djeshme në Astir ku u dyshuan disa të shtëna me armë zjarri.
Mësohet se në fakt nuk ka pasur të shtëna, por ishin efektivët e komisariatit nr.5 të Policisë së Shtetit që po zhvillonin një operacion me qëllim arrestimin e një personi të kërkuar për ‘Grabitje me armë’.
Duket se operacioni ka dështuar pasi i shumëkërkuari ka arritur t’ia mbathë sërish. Grabitësi, ka braktisur mjetin dhe është larguar me vrap mes rrugicave të Astirit, bashkë me miqtë me të cilët ndodhej në mjet.
Makina është kontrolluar dhe një prej xhamave të saj rezulton të jetë thyer si pasojë e përdorimit të armës së zjarrit. Policia e Tiranës nuk ka ende një njoftim për ngjarjen në fjalë.
Discussion about this post