Përgjithësisht Policia, veçanërisht ajo Rrugore, duhet të ndihmojë në lehtësimin e trafikut. Por pamjet e mëposhtme tregojnë se një efektiv i rrugores, më të rëndësishme ka vendosjen e një gjobe, apo realizimin e një kontrolli rutinë, pa e vrarë mendjen, se ndoshta edhe pa dashur ka bllokuar trafikun.
Punonjësi i policisë ka vendosur motorin pikërisht në hyrjen e një parkingu, duke bllokuar kështu qarkullimin e mjeteve. Pamjet janë regjistruar pranë zonës së njohur si Ekonomiku në Tiranë, një aks rrugor me fluks të lartë në qarkullimin e mjeteve.
Polici vijon qetësisht pak metra më tutje të bëjë detyrën, ndërkohë që drejtuesit e mjeteve që duan të futen ose të dalin nga parkingu, duket të presin që efektivi i Rrugores të lëvizë motorin.
Ndonjëherë ndodh edhe kështu, ndoshta polici në fjalë nuk ka realizuar “normën” e vendosjes së gjobave, ndaj duhet mirëkuptuar…
Discussion about this post