Ndodhej në paraburgimin e Drenovës, ndërron jetë në spital i arrestuari për vjedhje

Një person i arrestuar për vjedhje që ndodhej në paraburgimin e IEVP  Drenovë ka ndërruar jetë në spital.

Burime bëjnë me dije se gjatë orëve të natës, Ymer Bejkolli ka shfaqur shqetësime dhe pas disa orësh në spital ka ndërruar jetë.

Ai ishte arrestuar për vjedhjen e disa objekteve të kultit si Kishë e xhami në Korçë.

Burime për gijotina.com bëjnë me dije se Bejkolli vuante nga diabeti dhe se ditët e fundit kishte shfaqur shqetësime. Nuk dihet ende nëse ka patur ndërhyrje apo kontrolle mjekësore. Sakaq, trupi do t’i nënshtrohet ekspertizës e cila pritet te zbardhë shkakun e vdekjes.