SPAK duket se është vënë në lëvizje pas dëshmisë së bujshme të biznesmenit italian në lidhje me Ndrangheta. Antonio Guastalegname, pjesë e organizatës mafioze Ndrangheta”, ka treguar gjatë marrjes në pyetje se grupet shqiptare mbështeten nga zyrtarë të lartë shtetëror, përfshirë një ministër. Në këtë kuadër Prokuroria e Posaçme pritet që të ketë një komunikim me autoritet italiane përsa i përket. SPAK do komunikojë me homologët italianë për të sqaruar situatën dhe për të marrë informacion nëse ka diçka konkrete për përfshirjen e shtetasve shqiptarë në aktivitete kriminale në shtetin fqinj. Pas marrjes së informacioneve për rastin e publikuar në mediat italiane, SPAK do marrë vendim nëse do kemi një procedim tjetër penal apo jo edhe për këtë rast.
Ky nuk është rasti i parë ku autoritet tona marrin informacion e indicie për të regjistruar procedim penal në vendin tonë për shtetas shqiptar si të përfshirë në aktivitet kriminal në vendin fqinj. Rasti i parë është ai i ish ministrit Tahiri, ku ky i fundit pas përgjimeve në Itali të grupit të Habiljave u mor i pandehur e më pas u dënua me 3.4 vite burg për shpërdorim detyre.
Ndërsa një vit më parë u regjistrua procedim penal në Shqipëri për përgjimet e publikuara nga prokuroria por dhe mediat italiane lidhur me komunikimet e klanit mafioz italian Ndragheta me disa emra të rëndësishëm në vendin tonë.
Discussion about this post