Trajneri i Kastriotit Ramadan Ndreu theksoi pas barazimit me Teutën se skuadra e tij meritonte me shumë në këtë ndeshja, pra fitoren. Ndreu analizoi performancën e djemve të tij të cilët zhvilluan një ndeshje mjaft të mirë.
“Ashti siç shkoi loja duhet ta kishim fituar. Patëm dy raste fatale dhe dy momente penalltie. Gjithsesi, në përfundim të lojës duhet të them se jam i kënaqur, kishim përballë skuadrën kampione në fuqi. Kastrioti ndoshta në momente të veçanta e humbet përqendrimin, por në 20 minutat e fundit dominuam dhe mund të kishim fituar.
Në fillimin e pjesës së dytë nuk ishim aty ku duhet, patëm shkëputje të reparteve. Gjatë 20 minutave të fundit krijuam atë që ne duam, mbajtëm topin dhe duke shtuar edhe shpirtin e garës arritëm të barazonim dhe mund të kishim fituar”, tha trajneri i Kastriotit, Ramadan Ndreu.
